DLCW-i tetsür tanurtem atema sentong ka ayonger

Dimapur, Chiteni/July 25 (TYO): Beti Bachao Beti Padhao kübok State Resource Centre for Women aser District Level Centre for Women (DLCW)- Mahila Shakti Kendra, Kohima-i “Ambassador for Girl Child-Empowering through Education” omen nung ajemdaker July 26 nü 1:00 ako nungi tenzüka Nagaland State Social Welfare Board (NSSWB) Conference Hall nung sentong ka ayongzükogo. Iba sentong kübok kaketshir 12 nem senotsü teyari agütsütsü nükjidong lir aser iba den tetsür tanur ajungmesotsü aser nongita yaritsü nükjidong lir.
Iba sentong ya Research Officer, SRCW, Meneno V lenisüba kübok akatsü aser Mission Director, SRCW, Daisy Mezhur-i okila jembitsü. Maneni Principal Director, DHFW, Dr. Vikeyie Losou-i sentepa aliba nüburtem ajungshitsü aser Chairperson, NSSWB, Bano Vinito-i anküp o jembitsü, ta ketdangser sangdong ajanga metetdaktsü.