DLSA temi International Day of Anti-Drugs and Illicit Trafficking amung

Dimapur, June 26 (TYO) : Nagaland kübok District Legal Services Authority (DLSA) temi ‘International Day of Anti-Drugs and Illicit Trafficking’ tenüng nung Seminars aser Sensitization Programme balala ayongzüka agiogo.
DLSA temi arogo, school, NGO amala den yaritepa sentong balala ayongzüka agi.
Tanü putu nung ozüng alema achiba mozü kanga bulua belentepa aser lanurtemi item mozü achiba ajanga takoksa jenti bener arutsür. Iba ajanga linük aser rongsenren maparen nung tetsükdaktsü bener arur. Iba asoshi loktilibai mozü belenba mapa noktangba, de-addiction aser rehabilitation nung yariteptsüla, ta DLSA sangdong ka nung metetdaktsü.
Zunheboto nung Zunheboto District Legal Services Authority (ZDLSA)-i International Day of Anti-Drugs and Illicit Trafficking ayongzüka amung.
Iba sentong ya Ms. Khesheli Chishi, District & Session Judge & Chairman, Zunheboto DLSA den Mr. Atoka Achumi, Civil Judge (Jr.) & Secretary, ZDLSA & Para Legal Volunteer na lenisüba kübok agi.
Parnoki Zunheboto jila tezülen aliba de-addiction Centre for drug addicts & alcoholics semdanga liasü. Iba centre ya KRIPA Foundation ajanga acha-ayanger aser idakji DLSA züngsemtemi shisatokden sentong ka agi.
Tuensang Legal services Authority-ia DEF aser Police Baptist Church na den yaritepa International Day of Anti-Drugs and Illicit Trafficking sentong ayongzüka amung.
Sentong nung mendenji Ms. Antimangyang, Panel Lawyer, Tuensang DLSA aser shisalen sayurji Ms. Cheliam, Panel Lawyer, DLSA Tuensang liasü.
Mon district nunga Mon District Legal services Authority-i KBCM nung intermediate Sunday School pur den sensitization Programme ka ayongzüka agi.
Iba sentong nung Ms. Manon Konyak, Legal Aid Counsel aser Mr. Dominic kaiba, Panel Lawyer nati anir Mon DLSA nungi Para Legal Volunteers temi shilem agi.
Mokokchung District Legal Services Authority-i Para Legal Volunteers Mr. Talimoa aser Mr. Along na den külemi Care Counseling Center semdang.
Iba mapang Anti-Drugs & Illicit Trafficking indang Booklets aser Leaflets lema agütsü.
Longleng District Legal services Authority-ia sensitization Programme ka ayongzüka agi. Iba sentong nung mendenji Imlichuba Phom liasü aser shisalen sayurtemji Ms. Chuje, Programme Manager, Yingli Mission Society, Longleng aser Mr. Mane Phom, Panel Lawyer Longleng DLSA na liasü.
Dimapur nunga District & Session Judge & Chairman, Dimapur District Legal services Authority, Dimapur-i International Day of Anti-Drugs and Illicit Trafficking amungba tenüng nung arogo balala nem Legal Provisions of Drugs Act Pamphlets lema agütsü.
Iba awareness programme ya Hindi Baptist church Burma camp, Dimapur nunga agi.