DLSAs-i district balala nung ‘Int. Day of Older People’ among

Dimapur, October 01 (TYO): ‘International Day of Older People’ anogomong, October 01, 2017 nü Mokokchung District Legal Services Authority (MDLSA) nungi Panel Lawyer MDLSA, Sentinaro aser Panel Lawyer MDLSA, Maongtula den PLV temi Ungma yimdak Old age Recreational Morung semdanga liasü.
Recreational Morung ya arishi küm 80 ser temapur tamburtem tesendaktep alitsü nükjidong nung village council-i yangluba lir.
Sentong tatsüka agidang, tang arishia alir parnok 15 ji arishi küm 82 nungi 93 tsüngdapurtem liasü, aser parnoki hopta shia anaben molok-makang atakba ajanga parnok nüngdak peria aliba indang MDLSA-i angajem.
Sentong nungsa Sentinaro-i teintet rogotem dang parnok indang temeten aser teyari balala indang metetdaktsüba den külemi MDLSA inyakyim metetdaktsü.
Laisa teintet rogotem dang parnok shisa lemsatepba atema pelaba lemsatep.
Ano Social Welfare Department Mokokchung-i ayongzükba tanga sentong ka nung Retainer Lawyer, I. Imkong Jamir-i teintet rogotem dang parnok temeten balala aser teyari balala indang metetdaktsü.
Iba sentong nung teintet rogo parnok 200 shi dena liasü.
Zunheboto: Zunheboto District Legal Services Authority den Nagaland Senior Citizens Forum Zunheboto District Unit (NSCFZDU) aser Social Welfare Department Zunheboto-i yaritepa October 01, 2017 nü ‘International Day Of Older Persons’ anogomong nung “Stepping into the future: Tapping the talents, contributions and participation of older person in society” omen nung ajemdaker Youth Hall, Zunheboto nung sentong ka ayongzüka liasü.
Sentong nung tongti tesemdanger ana- Er. Kitoshe Y. Aye, E.E (PHED) Zunheboto aser Hovishe Sema, CDPO Zunheboto nati jembia liasü.
Sentong nung shisalen sayur, Panel Lawyer ZDLSA, Kr. Easter H. Yepthomi-i legal teyari aser service balala, teintet rogotem atema scheme balala indang metetdaktsüba den külemi “maintenance and welfare of parents and senior citizens Act 2007” indang metetdaktsü.
Taküm küm atema NSCFZDU Senior citizen’s award arishi küm 85, K. Yevihe Chishi (23-12-1931) aser arishi küm 83 S.Luholi Zhimo (01-03-1934) na nem agütsü.
Tena nem NSCFZDU-i certificate den gift hampers aser Social Welfare Department Zunheboto-i senpet agütsü.
Iba sentong nung teintet rogo parnok 80 shi aden. Iba sentong ya NSCFZDU Chairman, Akuto Chishi leniba nung agia liasü.
Wokha: October mezüngnü Wokha District Legal Services Authority (WDLSA)-i Longsa Cultural Hall nung ‘International Day of Older Person /Senior Citizen’ anogomong sentong ka ayongzüka liasü.
Sentong nung Panel Lawyer WDLSA, Meribemo Lotha-i “Welfare Schemes – National Social Assistance Program” onük nung jembi aser Panel Lawyer, Renbonthung Tsanglao-i NALSA, (Legal Services to Senior Citizens) Scheme 2016 indang lemsatep.
Panel Lawyer WDLSA, M. Gracy Ezung-ia ‘WDLSA role & function’ onük jembiba den teintet rogotem indang legal provisions metetdaktsü.
Longsa Village Chairman, Zayio Ezung-i okila jembi, Renbonthung Tsanglao-i anküp o jembi aser PLV WDLSA, Titibeni leniba nung iba sentong agia liasü.
Iba sentong nung teintet rogo parnok 150 aden.