DM Sivasagar-i mejang abenba nokdanger

Dimapur, Metsüremi 15 (TYO): Motor Vehicle Act 1988 ajanga mela aliba dak tali mejang (coal) abenba aser iba ama ali nungi adokba osettem abenba garitem Sivasagar nung aonung 10:00 ako nungi anepdang 5:00 ako tashi mejajatsü asoshi District Magistrate (DM) Sivasagar, Assam ajanga tenokdangba agütsüogo. Iba tenokdangba ya Metsüremi 16, 2018 nungi anogo 60 tashi alitsü.
Motor Vehicle Act 1988 ajanga mela aliba dak nungi tali gari tulu nung mijang ama oset bener tetsüng 6, 10 aser 18 aketba garitem Sivasagar district nung jajaba ajanga lenmangtem raksar aser lenmang nung nüburtem kümzüka alitsü asoshi tebilemtsü, nisung taküm aser nüburtem amshiba kiojen atema lendong kümdaktsüba den külemi iba tesem nung süngjema aliba nüburtem nem timtem agütsür, ta District Magistrate-i iba totuyuba nung shia lir.
Iba totuyuba nung aibelener nem Section 188 IPC agi mela aliba ama temerenshi agütsütsü, ta kasa sangdong nung shia lir.