DMC election atema tenüng agütsü

Dimapur, January 6 (TYO) : Dimapur Municipal Council election atema NPF nungi toktepnüa bilemer nisung asemi tanü kanga dang taoksatsüka BJP ticket kübok tokteptsü tenüng agütsüogo.
Hokolbarnü Dimapur nung BJP ticket amer tenüng agütsürtem ajak agi parnok nisung 7 liasü aser parnok rongnung tetsür ana dena lir.
BJP candidate temji Hokivi Chishi, G Kits, T Vikheho Zhimo, Moatemsu Jamir, Pikato Sumi, P Avi Awomi aser Mewesu Lasu nunger lir aser parnok dak alaka ano Independent candidate 11-i tenüng agütsüogo.
Dimapur Municipal kübok menden 23 nungi parnoki candidate 12-15 tashi yoktsü, ta BJP osang kar ajanga metetdaktsü.
Hokolbar nikongtsütsü osangbener senden ka ayonga amendang, BJP candidate temi nübortem dang parnok yaritsü atema ayongzük.
Temelenshi aginürtemi parnok nungita yariang aser ibaji ajanga terenlok atema lenmang lapoktsü, ta BJP candidate temisa tayongzükba agütsü.