DMC-i yimti merüka ayutsü ajungshir

Dimapur, Monupii/May 22 (TYO): Dimapur Municipal Council indang mapatong ‘A Better Dimapur’ kübok “Cleanest Colony in Dimapur Competition 2019” atema tesüiba anogo ishika wards aser colony balala sema senzüdar, ta EAC & Convenor, Tsidi aser President DUCCF Member Secretary, Tsenthungo Lotha nati sangdong ka nung metetdaktsü.
Ano maneni hopta shia kiyong balala sema senzütsü.
“Onoki DMC kübok kiyong ajak dang peipei kiyong merüka ayutsü ajungshir, iba denji külemi colony GBs aser chairmen dang iba tetoktepba nung shilem agitsü atema nüburtem ajungshiba den külemi mapang shia nübodoka pei kiyong merüktsü ajungshir,” ta sangdong nung shia lir.
“Onokisa nüburtem dang merükmeju tangatetba alitsü mepishir. Onoki colony lenirtem dang sen mesüra sempet atema masü saka Dimapur merüka alitsü aser Dimapur tajungba akümtsü atema shilem agidaktsüner,” ta parnokisa ashi.
“Iba tetoktepba ya lenla trok nungi reprangtsü: jana anepalua indokba, kilentzü aodak junga ayuba, tzü atsüngdena mayuba, gari lenmang junga anepaluba, merükmeju aser kiyongertemi shilem agiba lenlatem nungi reprangtsü. DMC kübok ward 23 aser colony 100 dak temaji colony tila aser tulu ta lemsaogo,” ta parnokisa metetdaktsü.
Iba tetoktepba nung elimination round malitsü aser ita shia colony ajak nem points agütsütsü. Ano e-waste management atema-a point agütsütsü.
Iba tetoktepba nung tetendangertemji; Tsidi (EAC) Convenor aser President DUCCF Tsenthungo Lotha, Member Secretary asütsü aser tangartemji Naga Council Dimapur (NCD) Vice President K Gokheto Chophy, Naga Womne Hoho Dimapur (NWHD) Vice President Vimeno, GBs Union Dimapur General Secretary Onen Jamir aser Dimapur Naga Students Union (DNSU) Vice President Sentimeren Pongen nunger lir.