DMC nung BJP candidate temi nenshia metetdaktsür

Dimapur, January 25 (TYO): DMC elections nung BJP candidate 10-i taoba mapang nangzükba ama tongti Kin hohotem aser Naga public-i aginüba ama parnoki tenüng meyipa agitsü mulunga lir, saka NPF dena tanga party candidate temi tenüng meyipa agi nungdang parnokia inyaktsü, ta sangdong ka nenshia metetdaktsüogo.
Joint Coordination Committee dena onok pei pei kin hohotem tangatetbatem aser telemtetbatem akhümtsübur aser onok tenüng meyipa agitsü mulunga lir saka onoki tenüng meyipa agir tanga candidate temi takok angutsübajibo onoki magizüker, ta Hokivi Chishi (ward 19), Hokuto Zhimomi (ward 22), Vikheho Zhimo (ward 17), Simon Yeptho (ward 23), Moa Jamir (ward 16), G. Kits (ward 20), Kavili Chishi (ward 21), Meweu Lasuh (ward 1), Ikato V. Sumi (ward 7), aser P. Avi Awomi (ward 6) nungertemi sangdong nung shia lir.