DMK den menden alemtsü atema jembitsü: A Namasivyam

Chennai, March 20 (Agencies): Tanü PCC Tir, A Namasivyam-i, kobi melii AICC lenirtemi DMK Tir, M Karunanidhi ajurua regional party aser Congress na tsüngda taruba assembly elections atema menden alemtsü asoshi lemteptsü, ta ashi.
PCC tatong Tirtem den senden amenba sülen osangbenertem den jembidang pai, kobi melii Chennai nung AICC bangdak lenirtemi Karunanidhi den senden mena jembitsü aser iba mapang nung Puducherry election atema-a jembitsü, ta ashi.
Tamil Nadu aser union territory of Puducherry nung assembly election nung Congress aser DMK na senteper tokteptsü.
Taoba mapangtem nung assembly menden 30 aliba union territory, Poducherry nung teloktep party rongnung tongtiji Congress liasü.
Namassivayam-isa, Poducherry election atema party manifesto renemtsü asoshi taoba chief minister V Vaithilingam leniba nung AICC-i committee ka tentetogo, ta metetdaktsü.