Dmr DC-i Aadhaar atema sangdonger

Dimapur, Rongchii (April) 19 (TYO): Dimapur Deputy Commissioner, Sushil Kumar Patel, IAS-i sangdong ka ajanga Dimapur district nung aliba nüburtem dang, district nung dokan/outlet kar nung state sorkar nungi temelaba makai Aadhaar enrollment agidar, ta tekümdangtsü metetdaktsü.
Iba dak sendakba nung DC-i, state sorkari Aadhaar enrollment atema temelaba aguja aliba tesemtem nung dang enrollment agitsü atema metetdaktsü; state sorkari melaba designated Enrollment Centre temji- DC Office Dimapur, ADC office of Niuland aser Medziphema, SDO (c) offices of Dhansiripar, Kuhuboto aser EAC office Chumukedima nunger dang lir aser item tesem nung angati enrollment agitettsü; item dokan aser outlets nungbo Aadhaar metongshia Aadhaar osang dang update asütsü akok.
Dimapur DC-isa item ama dokan/outlets kiburtem dang nüburtem nem Aadhaar enrollment service agütsüba tangsa anentsüla, mesüra temerenshi agütsütsü, ta metetdaktsüogo.