Dmr DC-i gari kiburtem dang sangdonger

Dimapur, March 27 (TYO): Dimapur, DC aser DEO, Kevekha Kevin Zehol-i sangdong ka ajanga, 17buba Lok Sabha Election 2019 atema mekazüka aliba Bus/Taxi kiburtem aser March 25, 2019 nü state Stadium-i marurtem dang March 30, 2019 anüngdang 12:00 ako tashi nungbosa Transport Cell, DC office-i arutsüla, ta metetdaktsüogo.
Tashi mangartem nem People’s Act, 1951 kübok Arrla 167 nung ajemdaker temerenshi agütsütsü; terem ka tepoukdak ayutsü, aser ibaji küm ka tashi atsülangtsüa akok mesüra senchi achitsü, mesüra temerenshi anaprong den külemi tanga temerenshi agütsütsüa akok, aser Taxi/Bus senzüba apermit agientsütsü akok, ta kasa sangdong ajanga metetdaktsü.