Dmr DC-i official gari nungi name plate agien

Dimapur, Metsüremi 08 (TYO): Motor Vehicle Act 1988 ozüng tashi angaa Dimapur Deputy Commissioner, Sushil Kumar Patel (IAS)-i pa meyong official gari nung tenüng zülua aliba ‘plate’ agienogo, aser paisa tangar dang kasaji inyaktsü mepishiogo, ta tanü ketdangsertem osang ka ajanga metetdaktsü.
Nagaland sorkar, Home Dept.-i, VIP sobaliba anentsü nükjidong nung ketdangser mesüra tongtibang nisung shingaia pei official gari nung designation plate mamshitsü tuyua lir.
Motor Vehicle Act 1988 aser Central Motor Vehicle 1989 ozüngtem nung, gari nung registration number dak alaka kecha mezülutsü shia lir, aser iba ozüng alema inyakertem nem temerenshi agutsütsü lateta lir.
Home dept.-i sorkar ketdangsertem dang pei gari nung parnok designation mezülutsü tuyua iba ozüng kübok aibelenertem nem Motor Vehicle Act 1988 Arrla 177 kübok temerenshi agutsütsü metetdaktsü.