Dmr-Kma train lenmang atema mezüngbuba lungpok tupokogo

Jharnapani tunnel nung ketdangsertem aser mapa inyakertem agiba noksa ka angur.

Dimapur, June 7 (TYO): Chumukedima yimtsüng kübok Dimapur (Dhansiri) – Kohima (Zubza) BG line indang tunnel No. 1 tupokba mapa tanü tembangogo.
Iba mapa inyakba company nung Deputy Chief Engineer, V Haozer-i ashiba agi, March 2019 nungi metre 140 indang lungpok atutsü tenzük aser takok ngua tupokogo.
Maneni, Jharnapani tesem nunga tanga tunnel ka tupokdar, ta paisa ashi.
Kilometre 82.3 tasazük Dimapur (Dhansiri)-Kohima (Zubza) railway line nung tunnel 20 alitsü. Tunnel ajak indang tasazükji kilometre 26 asütsü. December 2019 tashi nungbo Dhansiri nungi Sukhovi tashi railway service senzütettsü, ta Deputy Chief Engineer-isa metetdaktsü.
Iba railway line nung tesem 8 nung anentsü. Dhansiri-Sukhovi- Chumukedima- Mulvom- Sirhima- Tsiepama- Mengujuma-Zubza.
Iba train lenmang ajanga linük indang broad gauge railway map nung Nagaland yimtiba Kohima adentsü. Iba ya Indian Railways’-i northeast state yimtiba ajak broad gauge rail link ajanga sendakteptsü alizüng ayuba nung shilem ka lir, ta ketdangserisa shisem.