Dmr Night Carnival atema form agutsütsü anogo atsülanger

Dimapur, Nobvember 10 (TYO): Dimapur Night Carnival (DNC) Organising committee-i form meyipa agütsütsü atema November 20, 2016 nü tashi anogo atsülangtsü telemtetba agiogo, ta tanü DNC Convenor aser DCCI President, Hokivi Chishi-i sangdong ka ajanga metetdaktsü.
State nung entrepreneurs aser linük tesem balala nungi company temi shilem agitsü tejangraba lemsatepba den külemi form submit asütsü atema mapang atsülangtsü mepishiba ajanga iba telemtetba agi, ta sangdong nungsa shia lir.
Iba Carnival nung shilem agitsü atema anogo atsülangshiba ajanga shimba final list ji November 25, 2016 nü ang metetdaktsütsü.