Dmr nung Aquaculture Training agidar

Kohima, Metsüremi 09 (TYO): ICAR-Central Institute of Fisheries Education, Kolkata Centre den Department of Fisheries, Nagaland sorkar nati ayongzüka Metsüremi 08, 2018 anogo nungi tenzüka Training Centre Brooders Fish Farm, Half Nagarjan, Dimapur nung “Modern techniques Aquaculture” training agidar.
Mezüng anogo nung Dept. of Fisheries nung technical employees aser Dimapur District nung Progressive Farmers nem Fish Production den Polyculture aser Integrated Fish Farming training agutsü. Training nungsa Centre-i yangluba portable testing kits amshia tzü tendangba sayu. Iba training nung shisalen sayurtemji ICAR-CIFE, Kolkata Centre nungi Principal Scientist, S. Dasgupta aser Scientist, Sujata Sahoo na liasü.
Training tanünübuba nung Field visit aser staff interaction agia liasü.