Dmr nung kaketshirtemi Smoke free jilushi ai

Dimapur, May 03 (TYO): Smoke free Dimapur campaign dak sendakba nung May 03, 2017 nü Govt. Higher Secondary School Dimapur kaketshirtemi DC office compound aser NST Bus station nung jilushi sentong (street play) agiogo.
Street play nükjidong ya, lokti aliba tesemtem nung moko achiba nokdangba ozüng metetdaktsütsü atema lir, iba den külemi moko achirtemi lokti nung moko achiba ajanga machirtem nema temang nung timtem agütsüba indang sangdongtsü atema lir.
DC office nung SDO Civil, James Swu-i smoke free Dimapur campaign nükjidong metetdaktsüba den külemi kaketshirtemi iba campaign nung shilem agiba atema pelaba lemsatep.
Ano District Nodal Officer NTCP, Dr C Tetseo-ia Govt Higher Secondary School Principal, tesayurtem aser kaketshirtemi iba maparen nung amalitepa inyakba atema pelaba lemsatepba den külemi tanga tobacoo free kaket rijutemia kasaji inyaktsü tayongzükba agütsü.