Dmr nung National Voters Day amongtsü

Dimapur, Aenjeti 24 (TYO): Aenjeti 25 nü Commissioner of Taxes, Dimapur conference hall nung National Voters Day amongtsü, aser iba sentong nung tongti tesemdangerji Dimapur Deputy Commissioner aser District Election officer, Sushil Kumar Patel (IAS) asütsü, ta tanü ketdangsertem osang ka ajanga metetdaktsü.
Tongti tesemdanger onük jembiba dak alia sentong nungsa Chief Election Commissioner-i jembiba o sayatsü, District Icon, Zehovire Avi Kechu-i o tatsüka jembitsü, awards agütsütsü, voters tasenpurtem nem tetushi agütsütsü aser tongti tesemdangeri ketdangsüa voters pledge agitsü, ta kasa osang nung metetdakja lir.