Dmr nung Tobacco cessation facility Centre 5 nung angutsü

Dimapur, August 19 (TYO): Hokolbarnü District Tobacco Control Cell (DTCC) nung review meeting den counselor tem tema tobacco cessation orientation sentong kaogo.
CIHSR, Eden medical centre, Shalom home, DTC, NCD clinic aser TCC District hospital Dimapur nungi counselor tem iba sentong nung dena liasü.
Sentong nung jembidang NTCP DNO, Dr C Tetseo-i, tobacco cessation program nung counseling ji kanga tongtibang, aser tangbo iba facility ya item centre pongu nung angutsü, aser moko achirtemi moko indoktsü atema item centre nungi service angutsü, ta metetdaktsü.
Paisa, substitutes nüngdakertem asoshi DTCC-i nicotine gum aser patch angati agütsütsü, ta metetdaktsü.
Dr C Tetseo-isa CIHSR, Eden medical centre aser Shalom home-i khuret taliba abenba atema pelaba metetdaktsüba den külemi, ibaji ajanga nübur anema alibaren nung parnoki nendaka inyakba sayur, ta metetdaktsü.