Dmr nung Tobacco Free school certificates agutsü

Dimapur, March 29 (TYO): March 29, 2017 nü DC’s conference hall, Dimapur nung District level co-ordination committee review senden amendang school pongu aser college ka tobacco free institutions, ta sangdongogo.
Item school aser college temji- S.M High School, Hornbill School, Dimapur Mission Hr. Sec. School, Bethel Baptist School, St. Michael’s School aser Tetso College lir, aser parnok nem Tobacco Free School Certificates agutsüogo.
Iba sentong nung chairperson, ADC Dimapur Elizabeth-i Tobacco free school certificate agizüker school aser college tem dang, lokti ajungtsü atema maneni inyakdaktsüner, ta ayongzükba den külemi tanga rejutem danga asen lokti ajungtsü atema shilem agidaktsüner, ta ajungshia liasü.