Dmr nung train agi nisung ka menüngset

Dimapur, Rongchii 20 (TYO): Rongchii (April) 20, 2018 nikongdang 2:00 ako meta Rangapahar, Dimapur nung train agi tebur ka menüngsetogo; tenük kuli nung ajemdaker nisungba jagi pasasa menüngsetdaktsü südi ta bilemer, ta Addl. Dy. Commissioner of Police/PRO, Dimapur-i sangdong ka ajanga metetdaktsü.
Legal inyakyim ajak inyakba sülen postmortem agitsü aser maitsü jangjatsü atema tasümangji Civil Hospital Morgue-i bener ogo. Tasümang agizüktsü atema kinüngertem mesüra medemertemi Govt. Railway Police Station (GRPS), Officer-in-Charge den @7085055021 ajanga tongteprateptsü metetdaktsür.
Iba dak alia, iba sangdong agütsüba anogo nungi tenzüka anogo asemnü tsüngda tasümang ji magizükra/maitsüji mejangjara legal ozüng nung ajemdaker tasümangji rongdoktsü/aremtsü, ta sangdong nungsa shia lir.