Dmr nung Woman Police Station belenogo

Dimapur, November 7 (TYO): Dimapur nung Woman Police Station belenogo. Office tasenbaji West Police Station, Landmark colony, Dimapur sülen taoba Dy. Commissioner of Police (Zone-II) office nung belenokogo, ta Addl. Dy. Commissioner of Police/PRO, Dimapur sangdong ka nung metetdaktsü.
Maneni Dy. Commissioner of Police (Zone-II) office ji Dy. Commissioner of Police (Zone-II) office tsünglanglen aliba taoba Commissioner of Police Office nung belenokogo, ta sangdong nungsa ashi.
Iba dak sendakba nung osang tejangja metetpelanürtemi Officer-In-Charge- 7085055027 aser Women PS 7085055037 den tongteprateptsü akok, ta Dimapur Police sangdong nungsa metetdaktsü.