Dmr nung World Red Cross Day amongtsü

Dimapur, Monupii/May 07 (TYO): Indian Red Cross Society, Dimapur District Branch Tir, Sushil Kumar Patel, IAS, Chairman, Chandu Agarwal, aser Honorary Secretary, K. K. Paul nungeri Patrons, Vice-Patrons, Managing Committee züngsemtem, Life members, Junior Red Cross züngsemtem, NGOs, lokti lenirtem aser temeimer ajak dang Monupii/May 8, 2018 nü World Red Cross Day anogomong sentong nung adentsü jaokogo, ta tanü IRCS, Dimapur District Branch Vice Chairman, Ajay Sethi-i sangdong ka ajanga metetdaktsü.
Iba sentong ya Sangtennü (Mongolbar) Monupii 08, 2018 anüngdang 11:00 ako nungi Pranabananda Women’s College, Lhomithi Colony, Dimapur nung akatsü.
Kasa anogo nung Pranabananda Women’s College nung angati Dental Camp akatsü. Iba camp nung Dr. Dipika Jain, BDS aser lai aniba nurse temi kaketshirtem tepo anepalua reprangtsütsü, aser camp nungsa Shri Digambar Bhagwan Mahavir Charity Clinic nungi nurse temia yariteptsü.
Iba anogomong sentong nung tetushi tejaokerji Swamiji Chinmayananda Ji Maharaj asütsü, ta kasa sangdong ajanga metetdaktsü.