Dmr & Phek nung medical camp takok ngua agiogo

Dimapur, November 30 (TYO) : Dimapur District Hospital nung anogo asemnü angati medical camp November 29, 2016 nü temogo.
Iba camp ya cancer patients Aid Association, Mumbai Indian Academy of Echocardiology, Dr. K.T Keditsu foundation, Kohima ajanga teyari agütsü aser Indian National fellowship centre, Mumbai o Nagaland sorkar nati ketdangsüa ayongzük.
Dimapur district nung shiranger 442 tashi temang tendanga reprang aser tetsürtem dang pelvic sonography aser breast examination mapang shia agitsü ayongzük, ta CPAA executive director, Neeta More-i ashi.
Shirangertem rongnung shilem 95 shi ka moko achiba ajanga adokba tashidaktem keta aliba putet aser parnok dang local doctor den mapang shia ENT screening agitsü tebilemba lemsatepogo. Iba ama camp tem ya mapang shia ayogzüka agitsüla, ta Neeta More-isa shisem.
ENT Surgeon Dr. Sanjay Ghildiyal-ia ashiba agi, khuret tulutibaji oral cancer lir aser iba asoshi moko ajanga tashidak bener arutsübatem indang osang metetdaktsütsü asoshi sentongtem ayongzüka agitsüla.
Maneni, District hospital Phek nunga November 26-27, 2016 anogotem Medical camp ayongzüka agi.
Iba camp nung teyari angurtemji yamai liasü. OPD patients – 175, Total major surgeries – 9 (including six laparoscopic appendicectomy, 1 total abdominal hysterectomy, 1 myomectomy & 1 laparoscopic cholecystectomy, 7 laparoscopic ligations (permanent family planning), cervical cancer screenings – 18, samples of pap smears – 18 aser Ultrasound (USG) screening – 30.