Dmr police-i ozüng alema inyakertem apu

Dimapur, February 05 (TYO): 25.01.2019 nü Dimapur police-i Nagarjan power-grid area nung garitem mita reprangba mapang nung Maruti Alto gari (B/Regd. No. NL07H-9224) ka soter mita reprangdang .22 pistol (country made) pistol ka den magazine aser injang 05 apu; iba dak sendakba nung arishi küm 35, Mughahoto Zhimo (S/o Kakiho Zhimo of Ghowoto village, P/S. SBN Diampur) aser arishi küm 24, Vito Shohe (S/o Hovukhu of Lothavi village, P/add. Ghowoto village, Dimapur) na puogo; tena anema ken o ka benokogo aser maneni bushisüngdangdar, ta tanü Addl. Dy. Commissioner of Police/PRO, Dimapur-i sangdong ka ajanga metetdaktsü.
Tamalen auyaba atema East PS Dimapur nung ken o ka benoka aliba dak sendakba nung 27.01.2019 nü Dimapur police-i arishi küm 23, John Taite (S/o Late Jingdang Taite of New Colony Crossing gate Lumding, PS- Lankarut Hojai, Assam) apu; pa anema ken o ka benokogo aser maneni bushisüngdangdar.
30/01/19 nü Dimapur Police-i Khatkhati Check Post nung garitem mita reprangdang Motor Cycle (Regd No. AS03-N-2297) ka soit aser .32 Pistol ka den Magazine ka apu; tai tonglokja alir nisung anaji arishi küm 30, Lan Kamei 30 (V/o. Nungba PS Nungba Dist Tamenglong, Manipur P/Add Naga Colony, Burma Camp) aser arishi küm 34, Thanthaolung (V/o New Jalukie P/S Jaluki Dist Peren) na lir ta jangjaogo; tena anema East PS nung ken o ka benok aser maneni bushisüngdangdar, ta kasa sangdong nung shia lir.
Maneni 03/02/19 nüa Dimapur Police-i nisung ka tenüng agi Rehabuddin Das apu aser pa ket nungi auyaba revolver ka apu; Guwahati nung alir ka dang ayokba pai auya, ta pai nangzükogo; iba dak sendakba nung ka East PS nung ken o ka benokogo aser maneni bushisüngdangdar, ta sangdong nung shia lir.
04/02/19 nü Dimapur Police-i nisung ka tenüng agi, Hoto Yepthomi-i (SS Rajapeyu NSCN-IM) P/Add Thilixu Block -I, Dimapur) lenmang nung shishilembartem dang nungi ozüng alema saru saruba atema apu, pa ket nungi sen 1,550 apu; Iba dak sendakba nung East PS nung ken o ka benokogo aser maneni bushisüngdangdar, ta kasa sangdong ajanga metetdaktsü.