DMST-i police dang pelar

Dimapur, July 24 (TYO): Asür Tasenjungla tepsetba ken o tatem küma bushiteta aibelener nisung apuba atema Dimapur Molungyimsen Senso Telongjem (DMST)-i police dang kanga pelar ta metetdaktsüogo.
Iba ama nisung ya bail nung chiokra, jena aotsü ana nung dang lir anungji aibelensang bail nung mechioktsü atema ayongzüker, ta DMST Tir N. Joseph Lemtur aser Tongti Tezülur Longti Tzüdir nati sangdong ka nung ashi.
Talisa ozüng amertemi aibelensang aitsütsü aser ozüng tesashi agi merenshitsü atema mapa inyaktsü mepishir, DMST-i sangdong ka nung metetdaktsü.