DMU Mokokchung ajnaga NFMP kübok sentong balala agi

Dimapur, Aami/June 16 (TYO): State tesem ajunga shibanger aliba mapang, June 16, 2020 nü Forest Complex, Marepkong nung COVID-19 tashidak agi timtema aliba mapang rongsenketsüng tsütsü terenlok katsütsü mechi NFMP kübok JFMCs tem nem Kuroiler an lemtsüba sentong ka agi. Iba sentong ya DMU Mokokchung, FMU Mokokchung aser FMU Changtongya ajanga anepalua agia liasü.
Dr. Sentitula (IFS), DFO-cum-DMU Head, Mokokchung ajanga “Restoring Forest Conservation & Livelihood and the initiative under NFMP” onük nung sensaksemba sentong ka agi.
NFMP kübok mapatem renloka aoba indang Merentemsu, Mopungchuket JFMC Chairperson, Purlemba, Changtongya New JFMC Chairperson aser Sademmar, Mongsenyimti JFMC Chairperson nungertemi tongmelang agi lemsatep aser iba sülen o lemtep mapang agia liasü.
Iba mapa asadangba indang jembia I. Sashilemla, FMU Head Mokokchung aser Moamongba, FMU Head Changtongya nungertemi shisa agütsü. Iba sülen JFMCs shia nem hopta ana tain Kuroiler an den chiyongtsü lema agüja liasü.
Iba sentong nung Moamongba, FMU Head Changtongya menden liasü.