DNSU-i badge tanak kaloktsü metetdaktsür

Dimapur, August 2 (TYO) : Naga Students’ Federation (NSF)-i tetuyuba agütsüba ama, Dimapur Naga Students Union (DNSU)-i Dimapur telongtet nung aliba kaketshir ajaki badge tanak kaloktsü metetdaktsüogo.
India sorkari Nagaland state nung Disturbed Areas Act aser Armed Forces Special Powers Act ozüng benokba anema tejashi sayua NSF-i iba mapa inyaktsü tuyur, ta DNSU President, Sungkum Aier aser Finance secy. Akherio Lazio nati külem sangdong ka nung ashi.
Iba ya August 3 nungi 5, 2016 tashi inyaktsü anungji DNSU telongtet nung aliba shisaliok rejutem ajaki iba tetuyuba sülen anidaktsü mepishir, ta sangdong nungsa metetdaktsü.