DNSU-i hand sanitizers & mask ayokertem mittsü

Dimapur, March 18 (TYO): Dimapur nung hand sanitisers aser face mask jenjang kanga tur ayokba atema süoki bilemer aser iba mapa inyakertem merenshitsü, ta Dimapur Naga Students’ Union (DNSU)-i tanü metetdaktsü.
Sorkari aser Nagaland Medicine Dealers Association-i latettsüba jenjang dang nungi temaba agi ayokertem mita aotsü aser aibelenertem merenshitsü. Jenjang tur ayokba dokan indang osang item number- 8974508102, +913862355335 ajanga onok nem sangoktsütsü akok, ta Media Cell DNSU sangdong ka nung ashi.
DNSU-isa state sorkar dang mask angati agütsütsü atema mepishia metetdaktsüogo.