‘Doctor Dolittle’ sayatsü anogo melenshi

Los Angeles, April 29 (Agencies): Robert Downey Jr-i tongti shilem agiba film, “Doctor Dolittle” sayatsü atema mapang atsüzükogo, aser iba film ya April 12, 2019 nü sayatsü.
“The Voyage of Doctor Dolittle” ya May 24, 2019 nü sayatsü liasü, ajisüaka iba ya Star Wars den mapang külemi tenjitepba ajanga anogo atsüzük, ta Ace Showbiz osang ajanga metetdaktsü.
Disney & Lucasfilm-i “Star Wars: Episode IX” May 24, 2019 nü sayatsü atema sangdongba sülen Universal-i “Doctor Dolittle” sayatsü anogo melenshi.
“Star Wars” film ya Colin Trevorrow-i direct asü aser iba film ya US nung Memorial Day Weekend, May 24, 2019 nung sayatsü.
“Doctor Dolitle” ya 1920 küm Hugh Lofting indang Childrens’ Books nung ajemdaker yanglu.
Universal Pictures-i “Doctor Dolittle” project atema director-writer Stephen Gaghan den senteper inyaktsü aser producer temji- Susan Downey den Joe Roth aser Jeff Kirschenbaum nunger asütsü.