Doctor & healthcare workers nem itasen agütsütsüla: Supreme Court

New Delhi, June 17 (Agencies): COVID-19 anema rara nung shilem agiba doctor aser tanga healthcare workers nem itasen agütsütsü atema state sorkar nem tetuyuba agüjang ta Bodbarnü Supreme Court-i Centre dang shiogo.
COVID-19 anema tongti süa rarar nem quarantine facility tem agütsütsü atema state sorkartem dang shiang ta SC-isa Centre nem tetuyuba agütsü.
“COVID-19 agi shirangertem anepaluba Doctor aser healthcare workers nem quarantine facility agütsütsüla” ta Justice Ashok Bhushan, Justice S K Kaul aser Justice M R Shah nunger adenba bench-i tanü metetdaktsü.
Doctor aser healthcare workers nem itasen agütsüba aser quarantine facility renemtsüba indang osangji hopta pezü tsüngda agüjang ta Supreme Court-isa Centre dang ashi.
Centre sorkari May 15, 2020 nü doctor tem asoshi anogo 14 quarantine ya menüngdaker ta lemtetba anema nija doctor kati Supreme Court nung ken o benokba tanü obendanger asemi akümba bench-i angadanger item tetuyubatem agütsü.