Dohmen aser Naomi Van nati FIH ‘Player of the Year’ sempet angu

Chandigarh, February 23 (Agencies): International Hockey Federation (FIH) indang 2016 FIH Hockey Stars Award sentong ka Brehostibarnü Chandigarh nung agiba mapang Belgium nunger captain, John-John Dohmen-i tebur, ‘Player of the Year’ (2016) sempet angu aser Netherlands nungi Naomi van-i tetsür, ‘Player of the Year’ (2016) sempet angu.
Great Britain tsür, Maddie Hinch-i tetsür, ‘Goalkeeper of the Year’ 2016 sempet angu aser Ireland nungi David Harte nem tebur, ‘Goalkeeper of the Year’ 2016 sempet agütsü.
Belgium nungi Arthur Van Doren nem teburtem indang ‘Rising Star of the Year’ 2016 sempet agütsü.
2016 Hockey Champions Trophy nung ‘Best Junior Player’ sempet ngua alila, Argentina tsür, Maria Granatto nem tetsürtem indang ‘Raising Star of the Year’ sempet agütsü.
‘Coach of the Year’ sempet ya teburtem indang coach, Danny Kerry aser tetsürtem indang coach, Karen Brown nem agütsü. Tenaprong ya Great Britain nungi lir.
Teburtem rongnung ‘Umpire of the Year’ semept ya Germany nunger Christian Blasch nem agütsü aser tetsürtem rongnungi Belgium tsür, Laurine Delforge nem agütsü.
Hockey asaya nung ajemdaker dang agiba sentong ya mezüngbuba lir aser iba sentong ya FIH aser Hockey India longjemer ayongzük.
Iba sempet agütsüba sentong nung FIH tir, Narinder Batra aser FIH CEO, Jason McCracken nati tepela aser tayongzükba o tem jembia liasü.