Dominic Thiem Rio Open semi-final tongogo

Rio de Janeiro February 25 (Agencies) : Tang tasayadak Rio Open tennis championships asayamung nung Austria nunger Dominic Thiem-i 6-2, 6-3 agi Argentina nunger Diego Schwartzman madak takok ngua semi final nung asayatsü maongka ngutetogo.
Hokolbarnü tar feet 5 sür inch 7 talang, Schwartzman-i Jockey Club Brasileiro clay moapu nung Thiem-i serve asüba ball aika magizüktet, ta osangbenertemi ashi.
Thiem indang mezüngbuba serve noklang nung shilem 51 ang shitak asayatet, ajisüaka pa indang tanabuba serve tem noklang nung shilem 60 agi gondha ka sür minute 15 asayaba quarter final asaya nung bilemba points tem nguteta liasü.
Iba takok anguba ajanga Thiem clay moapu nung ti buba takok angutsü anasaba kümogo. Hokolbarnü Argentine nunger Nicolas Kicker madak 6-2, 6-3 agi takok ngua alisang Spain nunger Albert Ramos-Vinolas aser Thiem na semi-final asayatsü.
Rio Open nung asayar rongnung temaba jenjang nung alisangji world No. 5 Kei Nishikori liasü, ajisüaka pai mezüngbuba round nung Brazil nungi Thomaz Bellucci madak tamakok ngua iba asayamung nungi tuguogo.
Rio Open asayamung ya ATP World Tour den sendaktepa lir.