Donald Trump-i Mitt Romney den ajurutep

New York, November 20 (Agencies) : US tir asütsü election nung adoker alisang, Donald Trump-i pa atema kanga tongtibang nisung, Mitt Romney den Honibarnü ajurutepa amen, ta osangbenertemi ashi.
Tena iba senden ya Bedminster, New Jersey nung aliba Trump National Golf Club nung ajurutepa amen, ta USA Today osangkaket ajanga metetdaktsü.
Romney-i Tir atema shimsang, na junga tang südi, ta asüngdanga salem.
2012 küm GOP tir menden atema tokteptsü tenüng aisang Romney-i secretary of State mapa jangrar ajisüaka Tir election mapang Trump nübuyimdang o agütsütepba sülen Trump-i pa nem iba mapa agütsütsü magütsütsüar ashitsü makok, ta mongintemi ashi.
Romney-i, “Trump ji tangar külakoktsür ka lir aser pai pa tax kwi agütsür ibaji temai adoka memetetdaktsüba ajanga pa iba menden atema metemsü akümer, ta election nübuyim mapang ashi.
Iba o langzüdang Trump-i, “Romney ji mulunglemtsü nisung masü,” ta ashi.
Ano tesüiba mapang New York City Mayor Rudy Giuliani aser New Jersey Angh Chris Christie natia Trump den Deobarnü ajuruteptsü.