Donald Trump, na menüngdak : Arnold

Los Angeles, October 8 (Agencies) : Arnold Schwarzenegger-i, “Ni kü sasa Republican kata ulu ulua shiteter saka ano ajak dak alia ni America nunger ka lir ta asübaji tuluba,” ta twitter ajanga lemsatep.
Pai, “Ni Tir meden atema tokteper Donald Trump nem vote magütsütsü,” ta ashi.
Schwarzenegger-i anogo ishika tejakdang Trump anema nüburtemi jembiba kecha lepshia mashi. 2005 küm menüngoka aliba Trump-i jembiba ka nung pa sasa pa celebrity jenjang uluba ajanga pa shi jangraba tsütsü tzüra atemtsü temela ta ashiba aser tetsür maksütsü o jembisemba temai adoka metetba sülen US-i pa ano taliang maginüi kümogo.
Trump-i taitok meshiba video ka sayar gondha 12 lir külen Arnold Schwarzenegger-i Trump nem vote magütsütsü ashi.
Pai taitok meshi yonga pai jembiba maitoktettsü aser Republican temi pa menungittsü, ta tesüiba mapang Governor, Schwarzenegger-i sangdong ka ajanga metetdaktsü.
2016 atema tanabuba Tir menden asoshi o toktepba sentong asüng, Hombar aonung agitsü. Tatalokba aika liakasa iba o toktepba ya taoba hopta ana tejakdang mezüng o toktepba sentong mesüka kanga saksaker asütsü.