Donald Trump TIME Person Of The Year shim

Washington, December 7 (Agencies): Bodhbar anogo TIME osang kaket ajanga US Tir inyaktsü shimteta alisang Donald Trump “Person of The Year” shiemtet.
“Ya kangadang konang aser tetushi tulu”, ta Trump-i telephone ajanga NBC indang “Today” interview nung ashi.
TIME osangkaket nung yimobilem zülur, Nancy Gibbs ajanga sentong ka nung ashiba agi, US Democrat party nungi Tir inyaktsü toktepla Hillary Clinton tanabuba jenjang angu.
US, Manhattan nung ali ki-ojen nung shishilembar takar, Donald Trump-i kanga dang sashia rarar, US Tir atema election November 8 nung agidang, Clinton madak takok angu. US Cabinet nung nübu shimba maparen Trump-i anir kanga mazüngi inyakdagi.