DoNER-i Arunachal nem sen crore 400 lemzüktsü

Itanagar, February 22 (Agencies): Ministry of Development of North Eastern Region (DoNER)-i Hokolbarnü Arunachal Pradesh nem sen crore 400 alang mapatongtem inyaktsü lemzüktsüogo.
North East Special Infrastructure Development Scheme (NESIDS) indang Inter Ministerial Committee (IMC) senden 13 buba amendang sen lemzüktsü.
IMC ya DoNER secretary Naveen Verma menden ser lir aser parnoki tanü senden nung mapatong ana agizükba ajanga Arunachal atema mapatong ajak agi 19 aküm.
Mapatongtem nung lenmang yanglutsüba, school tem renloktsüba, water supply agütsütsü aser kilentzü ayimdak yanglutsüba dena lir.
Senden nung Chief Secretary Satya Gopal-i video conference ajanga aden aser sen crore 400 lemzüktsübaji Arunachal Pradesh atema kanga dang tongtipang lir ta ashi.
Public nüngdakbatem ajiteta mapatongtem shim, ta paisa ashi.
Mapa inyakba mita reprangtsü atema state sorkari quality assurance team ka kobi melii tentettsü, ta Gopal-isa shisem.
Senden nung planning secretary Himanshu Gupta aser NESIDS Technical Board chairman Dr Atop Lego na aden.