DoNER project tem DCs nem rajema lidaktsütsüla: Dr Singh

Delhi, Feb. 06 (Agencies): Union Minister of State (Independent Charge) for Development of North Eastern Region (DoNER),MoS PMO, Personnel, Public Grievances, Pensions, Atomic Energy & Space, Dr. Jitendra Singh-i DONER Ministry ketdangsertem dang, Northeast state tem nung Deputy Commissioner tem mesüra District Development Commissioner tem den video conference densema lenmang balala ajanga mapang shia tongtepratepa alitsüla, ta tuyuogo.
Paisa, DC tem den mapang shia shisa lemsatepa aliba ajanga ground level nungi junga amaliteptsü aser metokmeperi abensadakja micro level nungi DoNER project tem inyaktettsü, ta ashi.
Assam, Dibrugarh ketdangsertem den jembidang Dr Singh-i, “Tesüiba küm ka tsüngda DoNER project aika tebilemba ama meinyaktetba ni ajangshiogo, aser ibaji Union DoNER Ministry-i State Secretariat level nung dang tongtepratepa inyakba ajanga lir, khenkhenbo District Commissioner temi item project maparen memeteti alir,” ta ashi.
“Nüburtem tebilemba ataloktsü aser DoNER dak sentakba terenlok project balala tajungtiba nung inyaktsü atema district level aser block level nung atangji osangtem metettsü nüngdak, aser iba nungji district kedangsertemi lenmang tuluka nung yaritettsü,” ta pai ashi.
Iba senden nung DoNER Ministry nungi senior ketdangsertem aser Dibrugarh district ketdangsertem dena liasü.