DoNER Secretary-i Kohima nung BPO Centre semdang

Dimapur, Aami (June) 8 (TYO): Aami (June) 8, 2018 nü Department of North East Region (DoNER) Secretary, Naveen Verma-i IT&C new Directorate Building, Thizama Road nung aliba BPO centre semdang.
BPO centre lapokba den külemi directorate building tasen nung Software Technology Park of India (STPI) amenokba atema DoNER Secretary, Naveen Verma-i IT&C commissioner & secretary nem tenüngsang agütsü.
Paisa Information Technology and Communication dang IT infrastructure aser SPTI facility ajanga nübor atongtsü ayongzük aser entrepreneurs nem “Startups” temulung agütsütsü atema shisem.
Peren district nung amenokba National Information Infrastructure (NII) ji nübortem amshitettsüsa yanglutsüla kechiyong meta talang pilar alilen Information Technology ajanga dang apu latettsü, ta Naveen Verma-isa metetdaktsü.
Sentong nung IT&C Commissioner & Secretary, K.D Vizo-i department-i inyakba mapatem osang metetdaktsü aser Ministry dang nungi teyari meshi.
Department-i Nagaland ya Southeast Asia nung IT hub ka kümdaktsütsü ta paisa nangzük.
Sentong nung department ketdangsertem aser BPO employees aika aden aser Additional Director & HoD, Tongtiliba Longkumer-i anküp tepela o jembi.