Doordarshan-i NE atema channel tasen ka tenzüktsü

New Delhi, December 11 (Agencies) : Doordarshan-i “Arun Prabha” ta ser sangküm January ita Northeast atema channel tasen ka lapoktsütsü ta Union minister, Venkaiah Naidu-i metetdaktsüogo.
“Iba channel nung Northeast indang sobaliba sayutsü aser iba channel ajanga linük tanüngba tesemtem den northeast state tem sendakteptsü” ta Minister for Information and Broadcasting, Naidu-i ashi.
Vigyan Bhawan nung 28 buba State Information Ministers Conference nung o jembidang pai iba osang metetdaktsü.
Linük nung community radio station lapoktsü atema sorkari Northeast state tem nem 90 percent subsidy aser tanga state tem nem 75 percent subsidy agütsütsü, ta paisa shisem.
Community radio station tem ajanga pei tesem dak apet osangtsüsangtem prokshir. State temi iba inyakyim tasen nung temulung agütsütsüla, kechiyong iba ajanga sen tajangzük anguba dang masü saka tourism jenjang ajungkettsü, ta Naidu-isa metetdaktsü.