July 20, 2015 nü Dorians Society, Dimapur züngsemtem den Notun Basti (Ao Khel) chairman, Er. Menang (tiyongtsü nung mena aliba) aser DABA Associate Pastor, Maong Lemtur nungertem külemi agiba noksa angur.
Dimapur, July 20 (TYO) : Jana endokdak tesem sadema maliba ajanga Dorians Society, Dimapur-i Notun Basti (Ao Khel) nung sen kanga meindoki jana endoktsü mapa ka tenzüktsüogo.
Dorians Society-i Ao Khel council dang nungi teyari agia rickshaw agi atsüba garbage cart ka sayaogo aser iba cart yagi kiyong nung jana bendena senzütsü.
July 20, 2015 nungi tenzükba mapa ajanga Ao Khel nung alirtemi kilentzü aodak mesüra lenmang nung jana meindoki ita nung sen 50 agütsür jana endoktsü akok. Rickshaw- cart nung jana bendenbaji garbage disposal site kati bener oa endoktsü, ta Dorians Society-i metetdaktsü.
Kilen 200 shi kati iba mapa mulungsoa agizükogo ta Dorians Society züngsemtemi osangbener dang ashi.
Hopta nung Hombar, Bodbar, Hokolbar aser Deobar anogotem nung rickshaw-cart senzütsü aser maneni tarutsü anogotem nung cart talila amshitsü, ta parnokisa shisem.
Dorians Society, Dimapur-i jana bendenba mapa tenzüker added by asungba on
View all posts by asungba →
You must be logged in to post a comment Login