DoSE-i Pre-Matric Scholarship atema sen aika indok

Kohima, July 25 (TYO): Directorate of School Education Assistant Director, Nellayappan B-i, department-i CSS schemes trok atema inyakba osang metetdakja, kaketshir 12,553-i ST Students Pre-Matric Scholarship agir aser senji 2,82,44,250 adoker; Minority Students Pre-Matric Scholarship kaketshir 27,428 atema sen 105,29,000 indoker, ta metetdaktsü.
Tanü Kohima nung Ministry of Information & Broadcasting kübok Press Information Bureau-i ayongzükba one day media workshop ‘Vartalap’ nung jembidang pai, kümshia class 1 nungi class 8 pur kaketshir 1,22,534 nem angati textbooks agütsüba nung sen 3,61,22,450 indoker aser sorkar school tem nung kaketshir 1,16,021 nem angati uniform agütsüba nung sen 6,96,00,000 indoker, ta metetdaktsü.
Paisa, sorkar school 2059 aser national child projects 44 nung Mid Day Meal scheme mapa küma inyaker, aser iba nungji sorkari küm shia sen 34,00,00,000 indoker, ta metetdaktsü.
Tesasaba olen ka nung pai, ajisüaka sorkar school aika nung Mid Day Meal mapa junga meinyaker, aser ibaji nüburtem nem awareness junga magütsüba ajanga lir, ta ashi.
Paisa, CSS Hindi teachers schemes kübok Hindi tesayur 1446- Under Graduate Hindi tesayur 1379 aser Graduate Hindi tesayur 67 atema sorkari sen 68,50,00,000 indoker, ta metetdaktsü.
Samagra (RMSA & SSA) tesayurtem dak sendakba nung tasüngdangba ka langzüdang pai, iba ya-a CSS programme ka lir saka iba yabo Secretariat nung School Education Department-i repranger, ta ashi.
Iba sentong ya News Editor AIR Kohima, Asonuo leniba nung agi, Song & Drama Division, Ministry of Information & Broadcasting-i ken ka aten aser Deputy Director, PIB Kohima, Abdul Hamid-i tepela anküp o jembia liasü.