DoSE nung driver & Grade -IV staff atema sentong agir

Kohima, November 14 (TYO): Directorate of School Education nung driver aser Grade -IV staff tem atema anogo ananü In-house Training cum interactive Session tanü nungi tenzükogo.
Tanü sentong nung School Education Director, Wonthungo Tsopoe-i o jembidang, Directorate-i office nung driver tem mapang endoktsü atema recreational facilities agütsütsü ta metetdaktsü.
Tang nungi head driver ji seniority cum merit nung ajemdaker agütsütsü aser driver ajaki nendaknendaka aser bendanga agüja pei mapa inyaktsü ayongzüker, ta Wonthungo-isa ashi.
Driver tem regularization aser scale ajungketbaji mapa inyakba nung ajemdaker inyaktsü, ta director-isa shisem.
Ketdangsertem aser ministerial staff tem atema In-House training temogo. Directorate nung in-House training agütsütsü shisatetbaji mapa inyakertemi pei mapa nendaka inyaktsü aser tebilemtsü abentsü atema lir, ta Additional Director Razouseyi Vese-ia o jembidang ashi.
Iba sentong nung shisalen sayurtemji Additional Secretary (retd) & Consultant Education Department G. Kevishe aser SCERT Nagaland Associate Professor Dr. Zavise Rume na liasü.
Tenati leave rules, attendance, pension rules, office etiquettes aser soft skills onüktem jembi.