Down Town Hospital-i angati teyari agütsür

Dimapur, December 2 (TYO) : Hornbill Festival nung Guwahati nungi Down Town Hospital-i Nagaland nung alirtem asoshi mapa tajung inyaker.
Parnoki free aid treatment agütsür aser ano emergency nung yariteper. Anogo asemnü medical camp ya Down Town Hospital Guwahati-i Department of Tourism den yaritepa ayongzüker.
Iba sentong ya Down Town Hospital & Down Town University Chairman aser Managing Director, Dr. N.N. Dutta-i apiteta ayongzük.
Naga nunger temang anema alitsü asoshi temetettsü sangdongtsü atema pai iba sentong agitsü lemtet. Pai Hornbill Festival amunger den tepela salem lemsatepogo aser tarutsü anogotem nunga ibala medical camp ayongzüka agitsü sentong lir ta metetdaktsü.