DPC Annual Sports Meet takokba nung tembangogo

Dimapur, November 24 (TYO): Dimapur nung adokba osangkaket yimozülurtemi exhibition asaya 3 tashi nung kanga junga shilem agia Dimapur Press Club (DPC) Annual Sports Meet 2015 kanga mera keta Dimapur kübok Indoor Stadium nung tanü Mongolbar nü tembangogo.
Tanü mezüngbuba exhibiton asaya nung Tir Yimyim yimozülur, K Temjen aser Morung Express yimozülur, Akum Longchari na tsüngda Table Tennis (TT) toktepa asayaba sülen tenati külemi lungjemer DPC züngsem, Imti Longchar o Moa Jamir na den tebur TT doubles-a asaya liasü.
Yimozülur anatisa külemi lungjemer DPC züngsem, Asungba o Paudi Renta na dena tebur badminton doubles kanga toktepa asaya.
Akum Longchari aser Nagaland Page yimozülur, Monalisa Changkija nati tanü tatembangba tetoktepba, penalty shootout nung DPC züngsemtem den aroki toktepa shilem agiba ajanga DPC züngsemtem ajunga ajungmesoa liasü.
Tan asayamong nung DPC züngsem ajunga telok 2, Team A aser Team B küma lemsar asayaogo.
Team A telok nung Imkong Walling aser Temshinaro captain aser vice captain liasü aser Team B nung Henley Phom aser Caisii Mao nati captain aser vice captain menden aben.
Tan asayamong nung Team B teloki temaba jenjang ngua overall champion aküm.
Tesülen, yimozülurtemi tan asayamong nung takok angur ajunga nem kulikaket aser senpet sen lemshia agütsü.
Ano külen, tan asayamong indang senpet sen tenlaba atema Chief Executive Officer, Chabou & Company, Dimapur aser asayamong anogo anaprongla nung achiajemtsü tenlaba atema DMC Administrator, H Atokhe Aye den pelaba olen ka DPC-i metetdaktsü.
Tan asyaamong nung shilem agiba den külemi, senotsü aser teyari balala agüja DPC züngsemtem ajungmesoba atema Nagaland Page, Tir Yimyim, Morung Express aser Eastern Mirror nung yimozülurtem danga pelaba olen ka DPC-isa metetdaktsüogo.
Takok angur tarensen yamai:
1. Badminton Mixed Doubles
Winner: – Henlly Phom & Asungba Jamir
Runners-up: – Amongla & Moa Jamir
2. Badminton Men’s Singles
Winner: – Asungba Jamir
Runners-up: Echanthung H
3. Badminton Women’s Doubles
Winner:- Temshinaro & Akangchila
Runners-up:- Nzano & Henlly Phom
4. Badminton Women’s Singles
Winner:- Renchamo
Runners-up:- Temshinaro
5. Table Tennis Men’s Singles
Winner: Imti Longchar
Runners: Moa Jamir
6. Carrom (Women)
Winner:- Nzano
Runners-up:- Temshinaro
7. Carrom (Men)
Winner:- Mhathung Ngullie
Runners-up:- Moa Longkumer
8. Chess
Winner:- Caisii Mao
Runners-up: Tasungtetla
Z Longkumer
9. Penalty Shoot-Out
Winner:- Team B
Runners-up:- Team A
10.Editor’s TT Exhibition Match
Winner: K Temjen Jamir
Runners-up:- Dr Akum Longchari
Overall Champion:- Team B