DPC-i P Ganguly asüba mangyimer

Dimapur, August 29 (TYO): Ocet zülur aser taoba mapang Kohima Press Club (KPC) tatong Tir, Vibou tebu, P Ganguly asüba osang angashia Dimapur Press Club (DPC)-i mangyimer, ta tanü DPC Tir, Moa Longkumer aser tongti tezülur, Henlly Phom nati sangdong ka nung metetdaktsü.
Ganguly ya mapangshia Nagaland nung osangkaket balala atema ocet zülutsür ka liasü, ta DPC sangdong nungsa shia lir.
DPC-i mangyimer kibong den mangyim lemsateper, aser asür nem Tsüngremi tatem maka anisüngzük agüjang ta sarasademtsür, ta DPC sangdong nungsa shia lir.