DPC & KPC-i asüku osang abener

Dimapur, August 18 (TYO) : DPC züngsem aser The Morung Express nung inyaker Akangjungla Longchar tebu Tongpangwati Longchar asüba osang angashia temulung raksar, ta Dimapur Press Club sangdong ka nung metetdaktsü.
Asür Tongpangwati Longchar mapang tatsüka temang mejungi aruba sülen August 18, 2016 nü GNRC, Guwahati nung akümli toktsür ao.
Asür Tongpangwati Longchar ya NIDC Ltd, Dimapur nung Manager inyaka liasü aser par kibong den DPC-i asüku lemsar, ta sangdong nungsa metetdaktsü.
Ano, Kohima Press Club (KPC)-ia sangdong ka nung Dimapur Press Club züngsem Akangjungla Longchar tebu asüba osang angashia tejashi lemsateper, ta metetdaktsü.
KPC-i asür kibong den asüko lemsar aser tasür tanela anisüngzükdakjang ta sarasademtsür, ta KPC General Secretary, Alice Yhoshü-i sangdong nung shia lir.