DPC & NPA ajanga asükhu lemsateper

Dimapur, Tsüklai/February 04 (TYO): Nagaland Press Association tir aser Kohima Press Club (KPC) advisor, H. Chishi, senior Journalist tebu Qhutovi Chishi, February 4, 2022 nü Atoizu, Zunheboto nung asüba asoshi mangyim tejashi lemsateper, ta Dimapur Press Club (DPC) ajanga sangdong ka nung ashi.

DPC ajanga mangyimer kibong den asükhu lemsateper aser parnok nem anisüngzük aser tashi agüjang ta Tulusang Tsüngdem dang sarasademer. Asür tanüla tesunep nung anisüngzükjangma, ta sangdong ajanga ashi.

Nagaland Press Association tir H. Chishi tebu Qhutovi Chishi tanep Atoizu, Zunheboto nung asüba asoshi Nagaland Press Association (NPA) ajanga mangyim tejashi lemsateper, ta NPA tongti zülur, Dilip Sharma ajanga sangdong ka nung ashi.

NPA ajanga mangyimer kibong den asükhu lemsatper aser Tulusang Tsüngremi parnok nem tashi aser tesunep agüjang ta sarasademer, ta sangdong ajanga ashi.