DPC züngsemtem Hepatitis-B vaccination agitsü

Dimapur, July 17 (TYO) : Dimapur Press Club (DPC)-i Dispur Hospitals, Assam den yaritepa DPC züngsemtem atema Hepatitis-B vaccination camp ka ayongzüker.
Iba sentong ya July 21, 2015 anepdang 10:30 ako nungi Press Point, Super Market nung alitsü.
Hepatitis-B vaccination indang dose ana agütsütsü aser mezüngbubaji July 21 nü aser tanabubaji August 21, 2015 nü agütsütsü, ta DPC sangdong ka nung metetdaktsüogo.
Iba mapa ya DPC-i kümshi züngsemtem atema inyakba mapa nung shilem ka lir aser maneni tarutsü anogotem nunga ibala health camps ayongzüka agitsü, ta sangdong nungsa shia lir.
DPC züngsem ajak iba vaccination camp nung adentsü metetdaksür aser kasa anogo nung Identity Card agütsütsü, ta DPC mendenpurtemi metetdaktsüogo.