DPDB Kohima senden menogo

Kohima, June 22 (TYO): Ita shia amenba Kohima DPDB senden June 15, 2017 nü DPDB Conference Hall, Kohima nung ADC Kohima, T.L.Kiusumong Tikhir leniba nung menogo.
Iba senden nung Deputy Commissioner-i züngsemtem aser committee tem dang parnok nem lemzükja aliba mapa tekeraba nung inyaktsü metetdaktsü.
Ali atsünga agiba dak sendakba onük nung DC-i züngsemtem dang, tarutsü nung timtem majurutsü aser survey agia ali patta renemtsü asoshi sorkar meyong ali atsünga agiba jangjara tekaraba nung metetdaktsütsü ayongzük.
DC-isa, ketdangsertemi magizüki ken o arura ibajibo iba department tekolakba (HOD) khuret asütsü, anungji HoD temi iba indangji mita inyaktsüla, ta metetdaktsü.
Paisa tang teinyakdak aser mapa nungi anener ketdangsertemi amalitepa inyakba atema pelaba lemsatep.
Senden nungsa taruba DPDB senden nung PHED department dang department-i inyakba mapatem osang metetdaktsütsü nenshia metetdaktsü.
NIC Kohima District Center-i departmental presentation agütsüdang, nüburtemi Bank Card, USSD, AADHAR Enabled Payments, E-Wallets aser Unified Payment interface (UPI) ajanga sen mamshii shishilembatettsü, ta ashi.
DPDB Screening committee-ia Chedema nung GMS nungi High School/Higher Secondary jenjangi ajungketba indang osang metetdaktsü.
Kasa senden nung NBSE kübok Tabitha Enabling Academy registration agitsü, St. Joseph School, Mezoma village, Little Angel Pre School, Ziekezou Kohima registration agishitsü aser Radiant School, Phezoucha, Kohima, Jo-foundation, Agri Colony, Kohima ajungekettsü aser Army Pre- primary school, Jakhama den St. Luke School, Phezoucha Yasogei Kohima lapoktsü onüktem nung o lemtepa liasü.