DPL T20: Royals, Super Caps & Flamigoz nungeri takok angu

Dimapur, January 23 (TYO): Dimapur Royals, Super Caps CC aser Flamingoz SC teloktemi takok ngua tang tasayadak Dimapur Premier League (DPL) Twenty20 (T20) asaymong anogo 7 buba nung, tanü Honibar nü shilem agiogo.
Tanü mezüngbuba asaya nung Royals teloki runs 124 agi Zenith CC telok madak takok angu.
Royals teloki mezüng batting asü aser par teloki overs 20 nung runs 167 yanglu saka Zenith teloki overs 12 nung runs 43 dang yangluba yong par teloki tamakok ajuru.
Super Caps teloki overs 20 nung runs 169 yangluba sülen Royal Lions CC teloki batting süa par teloki overs 16 nung runs 60 dang yangluba yong par Lions teloki runs 109 agi tanabuba asaya nung tamakok angu.
Flamingoz telokia overs 20 nung runs 138 yanglu saka Royal Tigers teloki overs 20 nung runs 117 dang yagngluba yong par Tigers telokia runs 21 agi tasembuba asaya nung tamakok ngua liasü.