DPP-i Tuluni salem lemsatep

Dimapur, July 07 (TYO): Democratic Progressive Party (DPP)-i Sumi nunger Tuluni benjungmung mapang nung parnok den iba benjung salem lemsatep.
“State aser tangalen iba benjungmung dak sendakba sentongtem ajak tepela nung takok ngudakjang,” ta parnoki metetdaktsü.
“Salem lemsatepba den külemi, tanela ka kübok telongjem aser adianu temeimtep alitsü atema onoki ayongzüker. Iba benjungmung telongjem nung amungba ajanga Naga nunger kibong taliba longjemtsü aser akhidang nungi tesendaktep aser tembar yimtep tajungba akumtsü aser yimjung angutsü atema lenmang tatsüba akumtsü ta onoki imlar,” ta parnokisa metetdaktsü.